حـــــزب الــعـوانــس

العجيز البطرانه تحررت من ال 

(coming soon)

وتظهرلتحدثكم باحدث ما في جعبتها من سوالف وحكايات !!

وياهلا ومسهلا يالله حي الجميع

وبما ان هذي اول اطلاله لي  وعلى قولة بنت الحلال الي تطلع في الدعاية (( طلي عليهن بأحلى وش))  

حبيت اعطي وصايا ناتجة عن خبره  وعلى قوله المثل خذو الحكمه من افوآه العقـــلاء

ابتعدوا يابنيات الله يوفقكم لان ودي اقول للرجاجيل(( الله يخليهم ذخر للامه العربيه بشكل عام  وللعوانس بشكل خاص)) كلمة راس لعل الله يجعل فيها السبب          

ياوخيي دور على بنت الحلال اللي تستر عليك وتستر عليها ولاتفكر بالعرس وانت بزر ما بعد خط شنبك واحذر كل الحذر"حسيت اني بديت ابدع " من ان تتزوج وحده على ذوق اهلك ولا عشان خالك بيوظفك لاخذيت بنته وخلك سمح علشان الله يسمح امرك واترك عنك هالتعقيد في الشروط ذيك ما تبيها لان خشمها كبير [احس اني جيت عالجرح ] وهاذيك شعرها خشن وذيك ضروسها متقدمه وذي جسمها قابل للسمنه وذيك عندهم نت اكيد خربانه وهاذي معها جوال اكيد تكلم واربع وعشرين ساعة( بلوتوثات )  لا وبعد تبيها سنعه وتطبخ وتمسح  وما تدرس علشان تربي العيال

{اشوى ان اغلبهم ملحط وما معه الاثانوي ولا ونا جح بالبركه ومايبيها تصير اعلى منه } و.......الخ

اخيرا وليس اخرا نداء لكل العوانس

((عيشوواستمعو ولاتحزنوا فقد ولا الزمان اللذي كان يقول ظل راجل ولا ظل حيطة  ==> اللي ما يطول العنب))

زبدة الكلام  فكر يااخي العزيز بانك راح ترتبط بانسانه وليست  تمثال لحظة ما تمل منه بكل بساطة تكسره؟؟؟؟؟؟؟؟